अन्नपूर्ण पदमार्गको हिमपहिरोमा हराएका थप एक जनाको शव भेटियाे

पोखरा । गत फागुन ३ गते अन्नपूर्ण सेन्चुरी पदमार्गको हिमपहिरोमा बेपत्ता भएका ३ नेपाली र ४ कोरियनमध्ये बुधबार थप १ नेपालीको शव फेला परेको छ ।

धादिङ घर भएका अन्दाजी ४५ वर्षीय मेनबहादुर तामाङको शव हिमपहिरो आएको स्थान कास्कीको अन्नपूर्ण गाउँपालिका–११ हिमालय र देउरालीबीचको हिंकुमा भेटिएको हो । शवसँगै तीन कोरियनको झोला फेला परेको छ ।

यसअघि नेपाली गाइड सरोज परियारको शव भेटिए पनि कोरियन नागरिक अझै बेपत्ता छन् । बेपत्ताको खोजी कार्य जारी रहेको पर्यटक प्रहरी कार्यालय पोखराले जनाएको छ ।