वर्षाका कारण अधिकांश विमानस्थल बन्द

काठमाडौं । लगातार परेको वर्षाका कारण देशभर हवाई सेवा प्रभावित भएको छ । आन्तरिक उडानमा समस्या आएतापनि अन्तराष्ट्रिय उडान सुचारु भएको त्रिभुवन अन्तराष्ट्रिय विमानस्थल कार्यालयले जनाएको छ ।

विमानस्थलका प्रवक्ता प्रताववावु तिवारीले दिएको जानकारी अनुसार हाल भैरहवा, नेपालगन्ज र धनगढी विमानस्थल मात्रै सुचारु अवस्थामा रहेका छन् । त्यस्तै दैनिक उडान हुने चन्द्रगढी, विराटनगर, जनकपुर, सिमरा, लुक्ला, भरतपुर र पोखरालगायतका विमानस्थल वर्षाका कारण बन्द भएका छन् ।