टानको अध्यक्षमा खुम सुवेदी र महासचिवमा सरिता लामा विजयी

काठमाडौं । ट्रेकिङ एजेन्सिज एशोसिएशन अफ नेपाल (टान) को नयाँ नेतृत्व लाेकतान्त्रिक र वामपन्थी समुहकाे मिश्रित रुपले निर्वाचित भएका छन् ।

अध्यक्षमा लोकतान्त्रिक समूहका खुमबहादुर सुवेदी निर्वाचित भएका छन् महासचिवमा वामपन्थी समुहका सरि

ता लामा निर्वाचित भइकी छन् ।

टानको ४१ औं वार्षिक साधारण सभामा भएको निर्वाचनमा सुवेदीले अध्यक्षका अर्का प्रत्यासी अञ्जानकुमार थापालाई ८३ मतले पराजित गरेका हुन् । सुवेदीले ५२१ मत ल्याए भने उनका प्रतिस्पर्धी थापाले ४३८ मत प्राप्त गरे ।

त्यसैगरी थापा समूहकी महासचिवका उम्मेवार सरिता लामाले कर्मा शेर्पालाई १३ मतले पराजित गरिन् ।

सुवेदी समूहबाट वरिष्ठ उपाध्यक्षमा नवीन त्रिताल, प्रथम उपाध्यक्षमा चोलेन्द्रबहादुर कार्की, द्वितीय उपाध्यक्षमा भरत सापकोटा जितेको छ भने सचिवमा थापा समूहका दामोदर ढकाल निर्वाचित भएका छन् ।

त्यस्तै सुवेदी समुहबाट कोषाध्यक्षमा ऋतु ग्याम्दान र सहकोषाध्यक्षमा सूर्यकुमार श्रेष्ठ पनि निर्वाचित भएका छन् ।

महिला सदस्यमा थापा समूहकी ङिमादिकी शेर्पा निर्वाचित भइन् । त्यस्तै कार्यसमिति सदस्यमा थापा समूहका ठाकुर सापकोटा, प्रेमबहादुर लामा, मिङमातेन्जिङ शेर्पा र रामबहादुर गुरुङ निर्वाचित भएका छ्न । सुवेदी समूहबाट सनम शेर्पा, कान्छा शेर्पा, सिम्बर घले र सोनाम ग्याल्जेन शेर्पा विजयी भएका छन् ।