पर्यटन बोर्डको सीईओका लागि आवेदन माग

काठमाडौं– सरकारले पर्यटन बोर्डको नयाँ प्रमुख कार्यकारी अधिकृतका लागि आवेदन मागेको छ ।

बुधबार बोर्डको सीईओ नियुक्तका लागि गठन गरिएको उपसमितिले सार्वजनिक सूचना निकाल्दै आवेदन माग गरेको हो ।

बोर्डका सीईओ दिपकराज जोशीको कार्यकाल सकिन लागेकाले नयाँ सीईओको माग गरिएको हो । २०७२ पुसमा नियुक्त भएका सीईओ जोशीको ४ वर्षे कार्यकाल पुस ९ गते पूरा हुँदैछ ।

उपसमितिले बुधबारबाट २१ दिनभित्र योग्यता पुगेका इच्छुक नेपाली नागरिकबाट आवेदन माग गरेको छ । आवेदन दिन ३५ वर्ष पुरा भई ६० वर्ष ननाघेको हुनु पर्नेछ ।