पर्यटन बोर्डको सिइओमा रेग्मी नियुक्त

काठमाडौं । मुलुकको पर्यटन प्रवर्द्धनको अग्रणी संस्था पर्यटन बोर्डको प्रमुख कार्यकारी अधिकृत(सीइओ) मा धनन्जय रेग्मी नियुक्त भएका छन् । मंगलबारको बसेको बोर्डको सञ्चालक समितिको बैठकले रेग्मीलाई सीइओमा नियुक्त गरेको हो । उनले कार्यकाल चार वर्षको हुनेछ ।

सन् ७५ मा जन्मेका रेग्मी हाल दी हिमालयन रिसर्च एक्सपिडिसनमा अध्यक्ष छन् । स्याङ्जाका रेग्मीले वातावरणीय विज्ञानमा विद्यावारिधी गरेका छन् ।

१७ जना प्रतिस्पर्धी रहेकामा रेग्मी सिइओ छनौट भएका हुन् । पर्यटन मन्त्रालयका सहसचिव घनश्याम उपाध्याय, बोर्डका संचालक समिति सदस्य विप्लव पौडेल र कृष्णबहादुर महरा रहेको छनौट समितिले छनौट गरेको अन्तिम् तीन जना मध्येबाट सञ्चालक समितिले रेग्मीलाई नियुक्त गरेको हो ।