इन्द्रजात्राका बेला सुनसान बसन्तपुर

काठमाडौं । अरु बेला भएको भए यि दिनहरुमा बसन्तपुरको रौनक अर्कै हुन्थ्यो । उपत्यकाको विशेष जात्राको रुपमा रहेको इन्द्रजात्रा यहाँ आदिवासी नेवारहरुको लागि महत्वपूर्ण रहँदै आएको छ ।

त्यही इन्द्रजात्राको रथ तान्ने कार्य मंगलबारबाट सुरु हुुनुपर्ने थियो । काठमाडौंको भित्रि नेवारबस्तीहरुमा कुमारीको रथ तानेर बसन्तपुर ल्याउने गरिन्छ । जात्रामा रैथानेहरुको सहभागिता त हुन्थ्यो नै हेर्नेहरुको पनि ठूलो भिड लाग्थ्यो ।

तर यसपाली कोरोनाको कहरले जात्रा पर्वहरुको रौनक छिनेको छ । कोरोना महामारीको रोकथामका लागि उपत्यकामा जारी गरिएको निशेधाज्ञाका कारण इन्द्रजात्रा पनि स्थगन भएको छ । जात्रा नभएकोमा क्षमा पूजा गरिएको छ ।
यही सन्दर्भमा सुनसान बसन्तपुर क्षेत्रको तस्बिरहरु ।