लिगलिग कोट । प्रथम लिगलिगे साइकल दौडका लागि प्रतियोगीहरु ऐतिहासिक लिगलिग कोट पुगेका छन् । साइकल दौडमा सहभागी हुनेहरु आउने क्रम मंगलवारदेखि नै सुरु भएको हो ।

आयोजक लिगलिग भिलेज स्पोर्टसका अध्यक्ष सञ्जीव रानाका अनुसार बिहीवार दिउँसोसम्ममा ५० जना सहभागीहरुले अन्तिम् दर्ता प्रकृया सकेका छन् । प्रारम्भिक नाम दर्ता गरेकाहरु सय भन्दा बढी छन् ।

‘मंगलवार आउनेहरुले बुधबार ट्रायल समेत गरेका छन्’ अध्यक्ष रानाले हाइलाइट्स टुरिजमसँग भने, ‘साइकल दौडका लागि सबै तयारी पुरा भएको छ ।’

उनका अनुसार दौडमा सय भन्दा बढी सहभागी हुने अनुमान गरिएको छ । दौड ५४ किलोमिटरको हुनेछ । पालुङटारको लिगलिग कोटबाट सुरु भएको दौड राइनास नगरपालिका र सिरानचोक गाउँपालिका पुगेर फेरी लिगलिग कोट आएर समापन हुनेछ ।

दौडबारे बिस्तृत थाहा पाउन यो लिंकमा जानुहोस्:

लिगलिगे साइकल दौड हुँदै, यस्ता छन् सहभागीलाई पुरस्कार र सुविधा

सबै तस्बिरहरु प्रमिला गुरुङ ।