जापानी नर्सको हिमाल मोह

नामः यामामोतो मियूकी
पेसाः नर्सिङ
ठेगानाः ओसाका, जापान
रुचिः पर्वतारोहण
सफलताः सगरमाथा, ल्होत्से र मनास्लु

मियिूकी जापानको सानो सहर इमेकेममा जन्मेकी हुन् । ओसाकामा नर्स छिन् ।

सन् २००९ मा पहिलो नेपाल ट्रेकिङ गर्न गएकी थिइन् । त्यस बेला काठमाडौँलाई धुलोको कुइरीमण्डल देखिन् । नाम्चे बजारसम्म ट्रेकिङ गरिन् । अनि अव नेपाल फर्किन्न होला भन्दै गइन् ।

उनलाई अग्र्यानिक खाना मिठो र मान्छेहरू फरासिला लागे पनि काठमाडौँको वातावरण मन परेन ।

जापान गएपछि पनि ट्रेकिङ गर्न भने छाडिनन् । ट्रेकिङ क्लबमा सामेल भइन् ।

हिमाल चढ्नका लागि फेरी नेपाल जाऊँ जाऊँ लाग्न थाल्यो ।

सन् २०१७ मा दोस्रो पटक नेपाल आइन् । त्यस बेला ६ हजार ८० मिटर अग्लो एउटा हिमाल चढिन् । पाल्पा र पोखरालगायत नेपालका पर्यटकीय क्षेत्रहरू घुमिन् ।

गाइड राम्रो र्पयो, मान्छेहरू चिनिन थालिन्, अझ नेपाली संस्कृतिले मियूकीलाई तान्न थाल्यो ।

सन् २०१८ मा फेरी नेपाल आइन् । आमादब्लम् (६८१२ मिटर ) चढिन् । गोक्यू ले पनि पुगिन् । लबुचे (६११९ मिटर) र आइलेण्ड पिक (६१६०) पनि चढिन् ।

मियूकीमा आत्मविश्वास बढ्दै गयो । नेपालको हिमालहरुप्रतिको मोह पनि बढ्यो ।

उनले सन् २०१९ मे २२ गतेका दिन सर्वोच्च शिखर सगरमाथा (८८४८ मि.) चुमिन्, लगतै मे २३ मा ल्होत्से (८५१६ मि.) टुप्पा पुगिन् ।

यसरी लगातार सगरमाथा र ल्होत्से आरोहण गर्ने मियूकी पहिलो जापानी महिला हुन् ।

उनी यही वर्षको अटम सिजनमा फेरी मनास्ल् (८१६३ मि.) चढ्न आइन् । एकै वर्ष ८ हजार मि. माथिका तीन हिमाल चढ्ने पहिलो जापानी महिला बनिन् ।

मियूकीको टिप्स

हिमाल चढ्नु शारीरिक कुरा मात्र होइन, नत चुनौती मात्र ।

यो सोच्ने तरिका हो, हेर्ने तरिका हो ।

खर्चिलो छ, तर चुचुरामा पुग्दाको आनन्द भन्न सकिन्न ।

आफूलाई विश्वास गर्नुपर्छ, राम्रो गाइड छान्नु पर्छ ।

पत्रपत्रिका र फिल्म हेरेर जानिँदैन, आफैले गरेर जान्नु पर्छ ।