कोरोना संक्रमण देखिएपछि सगरमाथा क्षेत्रमा पदयात्रा बन्द

काठमाडौं । कोरोना संक्रमण देखिएपछि सगरमाथा क्षेत्रमा पर्यटकलाई आवगमन रोक लगाइएको छ ।

पासाङल्हामु गाउँपालिकाले विभिन्न एयरलाइन्सलाई पत्र लेख्दै गाउँ पालिकाभित्र एक जनालाई कोरोना संक्रमण देखिएको हुँदा यात्रु नल्याउन आग्रह गरिएको छ ।

गाउँपालिकाले पत्रमा सावधानी अपनाउँदा अपनाउदै पनि संक्रमण देखिएको र त्यसले गर्दा त्यस क्षेत्रमा सञ्चालित होटल, लज तथा अन्य व्यवसायीले सेवा दिन नसक्ने जानकारी गराएको पनि उल्लेख गरिको छ ।

लामो लकडाउन पछि सरकारले केही दिन अघि मात्र ट्रेकिङ र पर्वतारोहण खुला गरेको थियो । मुलुकको प्रमुख पर्वतारोहण तथा पदयात्रा क्षेत्र मध्येको एक सगरमाथा क्षेत्रमा खुलेसँगै आकर्षण देखिएको थियो ।

फेरी बन्द हुँदा पर्वतारोहण र ट्रेकिङमा असर पर्ने देखिएको छ ।